ფინეთს სურს, რუსეთის წინააღმდეგ სანქციების მეცხრამეტე პაკეტზე აშშ-თან ერთად იმუშაოს. ამის შესახებ ფინეთის საგარეო საქმეთა მინისტრმა, ელინა ვალტონენმა კოპენჰაგენში ევროკავშირის წევრი ქვეყნების საგარეო საქმეთა მინისტრების არაფორმალური შეხვედრის დაწყების წინ განაცხადა.
ვალტონენის თქმით, ევროკავშირი უკვე მუშაობს რუსეთის წინააღმდეგ სანქციების ახალ პაკეტზე და მნიშვნელოვანია, რომ ეს აშშ-თან კოორდინაციით ხდებოდეს.
მისივე თქმით, ევროკავშირმა უნდა გააძლიეროს ზეწოლა რუსეთზე.
„ჩვენ გვჭირდება სანქციები, მაგრამ ფინეთი ასევე მხარს უჭერს სატარიფო სქემას, რომელიც საშუალებას მოგვცემდა, რუსეთზე ზეწოლა გაგვეზარდა პროდუქტების ყველა ჯგუფზე“, – განაცხადა ელინა ვალტონენმა.
კომენტარები