უკრაინის გენშტაბის ინფორმაციით, უკრაინამ დრონებით გამოყენებით მიიტანა იერიში კრასნოდარის მხარესა და სამარაში მდებარე ნავთობის გადამამუშავებელ ქარხნებზე.
როგორც უკრაინის შეიარაღებული ძალების გენშტაბში განაცხადეს, უკრაინელი სამხედროები მუშაობენ „მოწინააღმდეგის შეტევითი პოტენციალის შესამცირებლად და ოკუპანტების სამხედრო ნაწილების საწვავით მომარაგების შესაფერხებლად“.
უკრაინის გენშტაბის ცნობით, კრასნოდარის მხარეში მდებარე ქარხანა წელიწადში სამ მილიონ ტონა ნავთობროდუქტებს აწარმოებს. მათ შორის ბენზინს, დიზელს, საავიაციო საწვავს.
უკრაინული დრონების დარტყმის შედეგები ჯერ უცნობია.
გენშტაბის ცნობითვე, სამარაში მდებარე ქარხანა უკვე მეორედ გახდა უკრაინული დრონების სამიზნე. ის აწარმოებს როგორც ბენზინს, დიზელს და საავიაციო ნავთს, ასევე მაზუთს. ის წელიწადში 8,5 მილიონ ტობა ნავთობპროდუქტებს აწარმოებს.