უკრაინა არ შეიძლება გახდეს ნატო-ს წევრი, რაც შეეხება ევროკავშირში გაწევრიანებას, ჩვენ მზად ვართ თანამშრომლობისთვის, – ამის შესახებ სლოვაკეთის პრემიერ-მინისტრმა, რობერტ ფიცომ პეკინში, რუსეთის პრეზიდენტთან, ვლადიმერ პუტინთან გამართულ შეხვედრაზე განაცხადა.
რობერტ ფიცომ აღნიშნა, რომ ბრატისლავა არ დაუჭერს მხარს ევროკავშირის გეგმას, რომელიც 2027 წლისთვის რუსეთის ენერგომატარებლებზე სრულად უარის თქმას ითვალისწინებს.
„მე ხაზს ვუსვამ და ამას ვამბობდი თავიდანვე, რომ უკრაინა არ შეიძლება გახდეს ნატო-ს წევრი. ეს საბოლოო გადაწყვეტილებაა. რაც შეეხება უკრაინის ევროკავშირში გაწევრიანებას, ჩვენ მზად ვართ თანამშრომლობისთვის“, – განაცხადა ფიცომ.
კომენტარები