ევროკომისია გაემიჯნა თავისი აღმასრულებელი ვიცე-პრეზიდენტის, ტერესა რიბერას განცხადებას, რომელმაც ღაზაში ისრაელის სამხედრო ქმედებები გენოციდად შეაფასა.
„ამ საკითხისა და დეფინიციის შეფასება კომისიის პრეროგატივა არ არის, ეს სასამართლოების გადასაწყვეტია“, – განაცხადა კომისიის წარმომადგენელმა, პაულა პინიომ, როდესაც ჰკითხეს, საუბრობდა თუ არა რიბერა ინსტიტუტის სახელით.
„ამ კონკრეტულ საკითხზე კოლეგიას გადაწყვეტილება არ მიუღია. მხოლოდ ამის თქმა შემიძლია“, – აღნიშნა მან.
„საერთაშორისო დანაშაულების, მათ შორის გენოციდის ჩადენის ფაქტის დადგენა ეროვნული სასამართლოებისა და იმ საერთაშორისო სასამართლოებისა და ტრიბუნალების კომპეტენციაა, რომლებსაც შესაძლოა იურისდიქცია ჰქონდეთ. გენოციდის, როგორც ასეთი ქმედების სამართლებრივი კვალიფიკაცია მოითხოვს ფაქტების სათანადო დადგენას და სამართლებრივ დასკვნას“, – დასძინა ევროკომისიის სპიკერმა, ანუარ ელ ანუნიმ.