სლოვაკეთის პრემიერის განცხადებით, პუტინი ზელენსკისთან შეხვედრით დაინტერესდა. რობერტ ფიცომ ეს სლოვაკურ მედიასთან, რუსეთის პრეზიდენტთან ჩინეთში გამართული შეხვედრის შემდეგ აღნიშნა.
მისი განცხადებით, უსაფრთხოების გარანტიები არა მარტო უკრაინას, არამედ რუსეთსაც სჭირდება.
„რუსეთის პრეზიდენტთან შეხვედრა პოლიტიკურად უკრაინის პრეზიდენტსაც კი არ აწყობს. რასაკვირველია არც რუსეთის მოქალაქეები იქნებიან მოხიბლული პუტინის ზელენსკისთან შეხვედრით, მაგრამ ორივე მათგანს ესმის, რომ პოლიტიკური ზიანის მიუხედავად, შეხვედრა და საკითხების განხილვა აუცილებელია, რადგანაც თუ ისინი მოლაპარაკებებს არ დაიწყებენ, ომი გაგრძელდება. უსაფრთხოების გარანტიები არა მხოლოდ უკრაინამ, არამედ რუსეთმაც უნდა მიიღოს. ეს უკრაინის ნატოში გაუწევრიანებლობას ნიშნავს“, – აცხადებს ფიცო.
კომენტარები