უკრაინამ უპილოტო საფრენი აპარატით ჩუვაშეთის რესპუბლიკაში მდებარე ნავთობის გადსაქაჩ სადგურზე იერიში მიიტანა. ინფორმაციას ამის შესახებ რუსული მედია რეგიონის ხელმძღვანელის, ოლეგ ნიკოლაევის ინფორმაციაზე დაყრდნობით ავრცელებს.
ნიკოლაევის ინფორმაციით, სადგურს „უმნიშვნელო ზიანი“ მიადგა და მისი მუშაობა შეჩერებულია. რეგიონის ხელმძღვანელის ცნობით, დრონის იერიშის შედეგად ადამიანები არ დაშავებულან.
რუსეთის თავდაცვის სამინისტროში განაცხადეს, რომ 27 სექტემბრის ღამეს რუსეთის საჰაერო სივრცეში 55 უკრაინულ დრონი ჩამოაგდეს. უწყების ცნობით, მათგან 27 როსტოვის ოლქში გაანადგურეს.
ცნობისთვის, ბოლო პერიოდში უკრაინის შეიარაღებული ძალების დრონები რეგულარულად ესხმიან თავს რუსეთის ნავთობგადამამუშავებელ ქარხნებს. 26 სექტემბერს უპილოტოების იერიშის შედეგად ხანძარი გაჩნდა კრასნოდარის მხარეში მდებარე ქარხანაში.
როგორც მედია წერს, უკრაინული დრონების იერიშების გამო ნავთობგადამამუშავებელი ქარხნების მუშაობა ფერხდება, რაც რუსეთში საწვავის დეფიციტს და ფასების ზრდას იწვევს.