„თბილისის მარათონი 2025“ წარმატებით დასრულდა, რომელშიც მსოფლიოს სხვადასხვა ქვეყნიდან 3 ათასზე მეტი ადამიანი მონაწილეობდა.
მარათონელებმა სტარტი რესპუბლიკის მოედნიდან აიღეს და ერთმანეთს ოთხ სხვადასხვა დისციპლინაში შეეჯიბრნენ. გამარჯვებულებს სამახსოვრო ჯილდოები გადაეცათ, ხოლო მონაწილეები, რომლებმაც ნახევარმარათონი ან 10 კმ-იანი რბენა დაასრულეს, სპეციალური მედლებით და სერტიფიკატებით დაჯილდოვდნენ.
ღონისძიება, რომელსაც სპორტის სამინისტრო, თბილისის მერია და საბერძნეთის საელჩო უჭერენ მხარს, ჯანსაღი ცხოვრების პოპულარიზაციას, ასევე ქველმოქმედებასა და სპორტული ტურიზმის განვითარებას ისახავს მიზნად. სარეგისტრაციო მოსაკრებლებიდან შემოსული თანხა სრულად ქველმოქმედებას მოხმარდება.
კომენტარები