პოლონეთის პრეზიდენტმა, კაროლ ნავროცკიმ პარლამენტს „ბანდერიზმის პროპაგანდის“ პრევენციისა და „ვოლინის დანაშაულების უარყოფის“ აღკვეთის შესახებ კანონპროექტი წარუდგინა.
ნავროცკის მიერ შეთავაზებული ცვლილება პოლონეთის ეროვნული ხსოვნის ინსტიტუტის შესახებ კანონში მიზნად ისახავს „დაზუსტდეს ის დებულებები, რომლებიც განსაზღვრავს OUN-UPA-ს წევრებისა და თანამშრომლების, ისევე როგორც მესამე რაიხთან თანამშრომლობაში მყოფი სხვა უკრაინული ფორმირებების მიერ ჩადენილ დანაშაულებებს“.
კანონპროექტის თანახმად, აღნიშნული ცვლილება ხელს შეუწყობს „სისხლის სამართლის საქმის უფრო ეფექტურად წარმოებას იმ პირთა წინააღმდეგ, რომლებიც უარყოფენ OUN-UPA-ს მიერ ჩადენილი გენოციდის დანაშაულების ფაქტს“.
პარალელურად, პოლონეთის სისხლის სამართლის კოდექსში შეთავაზებულია ახალი მუხლის დამატება, რომლის მიხედვითაც, OUN-UPA-ს „იდეოლოგიის პროპაგანდა“ გაუტოლდება ტოტალიტარიზმის პროპაგანდასა და სიძულვილის გაღვივებას. ამ დანაშაულისთვის გათვალისწინებულია სასჯელი სამ წლამდე თავისუფლების აღკვეთის სახით.