გერმანიის ოპოზიციური პარტიის „ალტერნატივა გერმანიისთვის“ ლიდერის ალის ვაიდელის განცხადებით, თუ ქვეყნის კანცლერს ფრიდრიხ მერცს ომი სურს, ის თავად უნდა წავიდეს საომრად.
„ჩვენი შვილები, ჩვენი ვაჟები, ჩვენი ჯარისკაცები არასდროს დაიხოცებიან უკრაინისთვის,” – განაცხადა ვაიდელმა.
მისი თქმით, „ალტერნატივა გერმანიისთვის“ საკუთარი ქვეყნის თავდაცვის ერთგული რჩება და ეწინააღმდეგება უკრაინაში ომის წაქეზებას.
ვაიდელი მიიჩნევს, რომ ვისაც ომი უნდა, თავად უნდა წავიდეს საომრად, მათ შორის, კანცლერი ფრიდრიხ მერცი.
„ჩვენ უარვყოფთ ფედერალური მთავრობის წინადადებას სამხედრო სამსახურში გაწვევის შესახებ. ჩვენ ერთგულნი ვართ ჩვენი ქვეყნის თავდაცვისა, მაგრამ არა უკრაინაში ამ ომის წაქეზების. თქვენ იცით ჩემი შეხედულება, თუ ვინმეს ომი სურს, თავად უნდა წავიდეს. ფრიდრიხ მერცი თვითონ წავიდეს უკრაინის საზღვართან და იომოს“, – განაცხადა მან.