ეგვიპტის კურორტ შარმ ელ შეიხში მომხდარი ავტოკატასტროფის შედეგად სამი კატარელი დიპლომატი დაიღუპა, ორი კი დაშავდა, – ამის შესახებ ინფორმაციას „როიტერი“ ავრცელებს.
მედიის ინფორმაციით, ჯერჯერობით დაუდგენელია, იყვნენ თუ არა დიპლომატები კატარის მოლაპარაკებათა ჯგუფის წევრები, რომელთაც შარმ ელ შეიხში მყოფ ეგვიპტელ ოფიციალურ პირებთან ერთად, ისრაელსა და „ჰამასს“ შორის შეთანხმების მიღწევაში მიიღეს მონაწილეობა.
ცნობისთვის, სწორედ შარმ ელ შეიხი უმასპინძლებს ორშაბათს გლობალურ სამიტს, რომლის მიზანია ღაზაში ომის დასრულება.
კომენტარები