აშშ-ის პრეზიდენტი დონალდ ტრამპი სოციალურ ქსელში აზიარებს ისრაელის პრემიერ-მინისტრის ოფისის პოსტს, რომელშიც ტრამპისთვის მშვიდობის დარგში ნობელის პრემიის გადაცემას ითხოვენ.
„ის ამას იმსახურებს“, – აღნიშნულია პოსტში.
ისრაელის პრემიერ-მინისტრის ოფისის პოსტს თან ახლავს ხელოვნური ინტელექტის მიერ დაგენერირებული ფოტო, რომელზეც ბენიამინ ნეთანიაჰუ დონალდ ტრამპს ნობელის პრემიის მედალს გადასცემს.
ცნობისთვის, მშვიდობის დარგში ნობელის 2025 წლის პრემია ვენესუელელ ოპოზიციონერ პოლიტიკოსს, მარია კორინა მაჩადოს გადაეცა.
როგორც ნობელის კომიტეტის განცხადებაშია ნათქვამია, მარია კორინა მაჩადოს ჯილდო ვენესუელელი ხალხის დემოკრატიული უფლებებისთვის დაუღალავი მუშაობისა და დიქტატურიდან დემოკრატიაზე სამართლიანი და მშვიდობიანი გადასვლის მისაღწევად ბრძოლისთვის გადაეცა.
ისრაელის პრემიერ-მინისტრმა, ბენიამინ ნეთანიაჰუმ დონალდ ტრამპი მშვიდობის დარგში ნობელის პრემიაზე ივლისში წარადგინა. თეთრ სახლში ვიზიტისას ისრაელის პრემიერ-მინისტრმა ნობელის პრემიაზე წარდგენილი წერილი დონალდ ტრამპს პირადად გადასცა.