ისრაელის უსაფრთხოების წარმომადგენლის განცხადებით, რაფაჰის სასაზღვრო პუნქტი, რომელიც ღაზის სექტორიდან ეგვიპტეში შესასვლელად ერთადერთი გამშვები პუნქტია, დღეს არ გაიხსნება.
როგორც „სქაი ნიუსი“ წერს, აქამდე გავრცელებული ოფიციალური ინფორმაციის მიხედვით, პუნქტი დღეს, 15 ოქტომბერს უნდა გახსნილიყო.
ისრაელის ოფიციალური პირები განმარტავენ, რომ ამ დროისთვის მოსამზადებელი სამუშაოები მიმდინარეობს.
ცოტა ხნის წინ ისრაელის ხელისუფლების წარმომადგენლებმა განაცხადეს, რომ რაფაჰის გადასასვლელი დახურული დარჩება და ღაზაში დახმარების ნაკადი შემცირდება მას შემდეგ, რაც „ჰამასმა“ ვერ შეძლო ისრაელისთვის ყველა დაღუპული მძევლის ცხედრის გადაცემა.
14 ოქტომბერს ღამით „ჰამასმა“ ისრაელს ოთხი ცხედარი გადაეცა. ისრაელის მხარე „ჰამასისგან“ კიდევ 20 ცხედარის გადაცემას ელოდება.
კომენტარები