აშშ-ში საქართველოს საგანგებო და სრულუფლებიანი ელჩი, თამარ ტალიაშვილი აშშ-ის კონგრესმენს ჯორჯიის შტატიდან, რიჩ მაკკორმიკს შეხვდა. ინფორმაცია აშშ-ში საქართველოს საგანგებო და სრულუფლებიანი ელჩის ოფიციალურ „ფეისბუქგვერდზე“ გამოქვეყნდა.
„აშშ-ში საქართველოს საგანგებო და სრულუფლებიანმა ელჩმა, თამარ ტალიაშვილმა გამართა შეხვედრა აშშ-ის კონგრესმენთან ჯორჯიის შტატიდან, რიჩ მაკკორმიკთან (R).
რიჩ მარკკორმიკი აშშ-ის კონგრესის წარმომადგენელთა პალატის საგარეო საქმეთა კომიტეტის, შეიარაღებული ძალების კომიტეტისა და მეცნიერების კომიტეტის წევრი და სამხედრო ჯილდოების მფლობელი ვეტერანი საზღვაო ქვეითი ავიატორია.
მხარეებმა მნიშვნელოვან რეგიონულ და საერთაშორისო გეოპოლიტიკურ საკითხებზე იმსჯელეს. შეხვედრის მსვლელობისას, ქართულ-ამერიკული ურთიერთობების ფარგლებში, საქართველოსა და ჯორჯიის შტატს შორის არსებული განსაკუთრებული კავშირები აღინიშნა; საუბარი შეეხო, მათ შორის, დაძმობილებული ქალაქების მჭიდრო კავშირებსა და ურთიერთთანამშრომლობის გაღრმავების პერსპექტივებს“, – ნათქვამია ინფორმაციაში.