ჰამბურგში გერმანელი დეპუტატის, „ალტერნატივა გერმანიისთვის“ (AFD) პარტიის ერთ- ერთი ლიდერის, ბერნდ ბაუმანის ავტომობილი დაწვეს. მეხანძრეების მისვლამდე ცეცხლი ახლოს მდგომ სხვა ავტომობილებსაც წაეკიდა. საერთო ჯამში, დამწვარია სამი ავტომობილი.
პოლიტიკოსის ქონების დაწვაზე პასუხისმგებლობა მომხდარიდან რამდენიმე საათში რადიკალურმა მოძრაობა „ანტიფამ“ აიღო. გამოქვეყნებულ განცხადებაში „ანტიფა“ წერს, რომ ამ ქმედებით მათ დრეზდენსა და დიუსელდორფში დაკავებული 13 თანამოაზრის სამართლებრივი დევნა და მოძრაობის წინააღმდეგ მიმართული სხვა ზომები გააპროტესტეს.
კომენტარები