ვაშინგტონმა უნდა გააუქმოს რუმინეთიდან ასობით სამხედროს გაყვანის გეგმა, – განუცხადა რუმინეთის თავდაცვის მინისტრის მოადგილემ გამოცემა POLITICO-ს.
მისი თქმით, ამ გადაწყვეტილებამ შესაძლოა ნატოს არაერთიანობის შესახებ რუსულ პროპაგანდას შეუწყოს ხელი.
„ვფიქრობ, რომ ეს გადაწყვეტილება შეიძლება შეიცვალოს… და უნდა შეიცვალოს“, – აღნიშნა თავდაცვის საკითხებში რუმინეთის სახელმწიფო მდივანმა, სორინ მოლდოვანმა.
გასულ კვირას, პენტაგონმა განაცხადა, რომ დაახლოებით 800 სამხედროსგან შემდგარ ქვეით ბრიგადას რუმინეთიდან უკან, კენტუკის შტატში გადაიყვანს, რადგან აშშ-ის შეიარაღებულ ძალებს ფოკუსი შიდა პრიორიტეტებსა (როგორიცაა საზღვრის დაცვა) და ინდო-წყნარი ოკეანის რეგიონზე გადააქვს.
„ეს არ არის კარგი ნიშანი ჩვენს ორმხრივ ურთიერთობებში. ჩვენ გვჭირდება უფრო ძლიერი ორმხრივი მოლაპარაკება აშშ-თან, რათა ამჟამინდელმა ადმინისტრაციამ გაიგოს, რომ საფრთხე აქ, აღმოსავლეთ ფლანგზეა“, – დასძინა რუმინეთის თავდაცვის მინისტრის მოადგილემ.