სტამბოლის მთავარმა პროკურატურამ გენოციდის ჩადენის ბრალდებით 37 ეჭვმიტანილის, მათ შორის ისრაელის პრემიერ-მინისტრ ბენიამინ ნეთანიაჰუს, დაპატიმრების ორდერი გასცა. ინფორმაციას ამის შესახებ თურქული მედია ავრცელებს.
თავდაცვის მინისტრი იისრაელ კაცი, ეროვნული უსაფრთხოების მინისტრი იტამარ ბენ-გვირი, გენერალური შტაბის უფროსი ეიალ ზამირი და საზღვაო ძალების მეთაური დავით საარ სალამა არიან იმ ისრაელელ ოფიციალურ პირებს შორის, რომლებსაც ღაზაში ჩადენილი გენოციდისა და კაცობრიობის წინააღმდეგ დანაშაულების ბრალდებები აქვთ წაყენებული.
სტამბოლის მთავარი პროკურატურის განცხადებით, გამოძიებამ დაადგინა, რომ ისრაელის სახელმწიფო მოხელეებს ეკისრებათ სისხლისსამართლებრივი პასუხისმგებლობა ღაზაში განხორციელებული „გენოციდისა და კაცობრიობის წინააღმდეგ მიმართული დანაშაულებების სისტემატური ქმედებების“, ისევე როგორც „გლობალური სუმუდის ფლოტილიას“ წინააღმდეგ მიმართული ქმედებებისთვის.
პროკურატურის განცხადებით, იმის გამო, რომ ეჭვმიტანილები ამჟამად თურქეთის ტერიტორიაზე არ იმყოფებიან და მათი დაკავება ვერ მოხერხდა, სტამბოლის სასამართლომ, პროკურორის მოთხოვნით, 2025 წლის 7 ნოემბერს, თურქეთის სისხლის სამართლის კოდექსის 76-ე და 77-ე მუხლების (რომლებიც გენოციდსა და კაცობრიობის წინააღმდეგ მიმართულ დანაშაულებს მოიცავს) საფუძველზე, დაკავების ორდერები გასცა.