კარგად გვახსოვს რადიკალური ოპოზიცია წლების განმავლობაში როგორ ლანძღავდა ბატონ ტრამპს, როგორ უწოდებდნენ მას რუსულ პროექტს და ასე შემდეგ და ამ მანიფესტშიც იგივე რიტორიკის გაგრძელებაა, – განაცხადა ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.
დეპუტატმა იმ მანიფესტთან დაკავშირებით გააკეთა კომენტარი, რომელიც მედიაში გავრცელებული ინფორმაციით, ბრიუსელთან იყო შეთანხმებული და რომელიც 28 ნოემბრის აქციაზე უნდა წაეკითხათ.
„როგორც ორი კვირის წინ ბრიუსელიდან გამოგზავნილი წერილი ვიხილეთ, რომელიც რადიკალური ოპოზიციის წარმომადგენლებმა სიტყვასიტყვით წაიკითხეს, კვლავ იგივე სცენარი ვნახეთ – ბრიუსელის კაბინეტიდან გამოგზავნილი მანიფესტი; რადგან გამომჟღავნდა, რომ ეს ინფორმაცია უკვე გაჟონილი იყო, თავი აარიდეს ასეთ უხერხულ მდგომარეობაში აღმოჩენას და ამიტომ საერთოდ აღარ წაიკითხეს. კარგად გვახსოვს რადიკალური ოპოზიცია წლების განმავლობაში როგორ ლანძღავდა ბატონ ტრამპს, როგორ უწოდებდნენ მას რუსულ პროექტს და ასე შემდეგ და ამ მანიფესტშიც იგივე რიტორიკის გაგრძელებაა, სადაც მითითებულია, თითქოს „დიფ სთეითი“ ბატონმა ტრამპმა და „ქართულმა ოცნებამ“ ერთად გამოვიგონეთ. უკვე ასეთ აბსურდზე არიან დასულები“, – განაცხადა მაჭავარიანმა.