ქართველი კალათბურთელი ზაზა ფაჩულია გულშემატკივრებს მხარდაჭერისთვის მადლობას უხდის. როგორც ზაზა ფაჩულია, ”გოლდენ სთეითის” გამარჯვების შემდეგ, მის მიერვე გადაღებულ ვიდეოში აღნიშნავს, სეზონი ძალიან რთული იყო და შესაბამისად, ფინალში გამარჯვებაც რთული აღმოჩნდა.
”სიტყვები არ მყოფნის! ეს არის დაუვიწყარი დღე ჩემს ცხოვრებაში. მადლობელი ვარ, რომ მომეცა იმის საშუალება, რომ ჩემი ქვეყანა წარმომედგინა. გილოცავთ ყველას და ყველას დიდი მადლობა, ვინც გვერდში მედექით. ძალიან რთული სეზონი იყო, ძალიან რთული იყო მოგება, მაგრამ ჩვენ მაინც გავიმარჯვეთ. ძალიან ბედნიერი ვარ და ძალიან ვამაყობ, რომ ქართველი ვარ! საქართველოში ჩამოვა თასი და საქართველოში ჩამოვა ბეჭედი… ეს გამარჯვება, ეს მსოფლიო ჩემპიონობა არის საქართველოსთვის. ეს იქნება მოტივაცია ახალგაზრდებისთვის. ეს დასაწყისია და კიდევ ბევრი მსოფლიო ჩემპიონი გვეყოლება კალათბურთში და არამხოლოდ კალათბურთში”, – განაცხადა ზაზა ფაჩულიამ.