საუდის არაბეთის შეიარაღებულმა ძალებმა იემენის პორტ მუკალაში გაერთიანებულ არაბთა საამიროების გემები დაბომბა. ინფორმაციას Reuters-ი ავრცელებს.
სააგენტოს ცნობით, ოფიციალური ერ-რიადი აბუ-დაბის სამხრეთ იემენელი სეპარატისტების მხარდაჭერაში ადანაშაულებს. საუდის არაბეთის ხელისუფლება ამბობს, რომ გაერთიანებული არაბთა საამიროები გემებით იემენელ სეპარატისტებს იარაღით და საბრძოლო მასალებით ამარაგებდა. ორ ქვეყანას შორის დაძაბულობამ მაღალ დონეს მიაღწია.
როგორც ერ-რიადში აცხადებენ, საუდის არაბეთის ეროვნული ინტერესები წითელ ხაზს წარმოადგენს. საუდის არაბეთმა გაერთიანებულ არაბთა საამიროებს 24 საათი მისცა, რათა საკუთარი შეიარაღება და შენაერთები იემენიდან გაიყვანოს.
შექმნილ ვითარებას გამოეხმაურა იემენის საპრეზიდენტო საბჭოს თავმჯდომარე რაშად ალ-ალიმი. მან აღნიშნა, რომ იემენმა გაერთიანებულ არაბთა საამიროებთან ადრე დადებული სამხედრო ხელშეკრულების მოქმედება შეაჩერა. გარდა ამისა, ალ-ალიმის გადაწყვეტილებით, იემენის ყველა პორტის 72-საათიანი ბლოკადა გამოცხადდა.