აშშ-ის პრეზიდენტმა, დონალდ ტრამპმა ირანში არსებულ ვითარებასთან დაკავშირებით დამატებითი კომენტარი გააკეთა. მისი განცხადებით, ამერიკულ მხარეს მიაწოდეს ინფორმაცია, რომ ქვეყანაში მკვლელობები წყდება და დაგეგმილი სიკვდილით დასჯის პროცესები აღარ გაგრძელდება.
პრეზიდენტის თქმით, აღნიშნული ინფორმაცია მან „მეორე მხარეს არსებული ძალიან მნიშვნელოვანი წყაროებისგან“ მიიღო.
კითხვაზე, რამდენად სარწმუნოა ცნობები მკვლელობების შეწყვეტის შესახებ, ტრამპმა აღნიშნა: „ჩვენ ამას გავარკვევთ, მე ამას სულ მალე გადავამოწმებ“.
„მათ მითხრეს, რომ სიკვდილით დასჯა აღარ მოხდება და იმედი მაქვს, ეს სიმართლეა“, – დასძინა მან.
როდესაც პრეზიდენტს ჰკითხეს, ნიშნავs თუ არა მიღებული გარანტიები იმას, რომ აშშ-ის მხრიდან სამხედრო ინტერვენცია დღის წესრიგიდან მოიხსნა, მან უპასუხა: „ჩვენ თვალს მივადევნებთ და ვნახავთ, როგორ განვითარდება პროცესები. თუმცა, ჩვენ მივიღეთ ძალიან დადებითი განცხადება იმ ადამიანებისგან, ვინც კარგად იცის, რა ხდება რეალურად“.