ვენესუელის ოპოზიციის ლიდერმა, მარია კორინა მაჩადომ განაცხადა, რომ აშშ-ის პრეზიდენტს, დონალდ ტრამპს მშვიდობის დარგში ნობელის პრემიის მედალი გადასცა. ინფორმაციას ამის შესახებ ტელეკომპანია CNN-ი ავრცელებს.
„მე აშშ-ის პრეზიდენტს გადავეცი მედალი, მშვიდობის დარგში ნობელის პრემია“, – აღნიშნა მაჩადომ.
„მე მას ეს ვუთხარი: ორასი წლის წინ გენერალმა ლაფაიეტმა სიმონ ბოლივარს გადასცა მედალი, რომელზეც ჯორჯ ვაშინგტონის სახე იყო გამოსახული. მას შემდეგ ბოლივარი ამ მედალს სიცოცხლის ბოლომდე ინახავდა. ორასი წლის შემდეგ, ბოლივარის ხალხი ვაშინგტონის მემკვიდრეს უბრუნებს მედალს – ამ შემთხვევაში მშვიდობის დარგში ნობელის პრემიის მედალს, როგორც ჩვენი თავისუფლების მიმართ მისი განსაკუთრებული ერთგულების აღიარებას“, – დასძინა ვენესუელის ოპოზიციის ლიდერმა.
კომენტარები