საქართველოს ეროვნული ბანკის საერთაშორისო სავალუტო რეზერვები რეკორდულად მაღალია, – განაცხადა Business Insider Georgia-სთან ექსკლუზიურ ინტერვიუში სსფ-ის მუდმივმა წარმომადგენელმა საქართველოში ენდრიუ ჯუველმა.
„საქართველოს ეკონომიკამ 2025 წელს კარგი შედეგები აჩვენა, რეალური მშპ-ის ზრდა შეფასებულია 7.3 პროცენტად, რაც შენელებაა 2024 წელთან შედარებით, თუმცა აღემატება ჩვენი ტრენდის შეფასებას. სწრაფმა ეკონომიკურმა ზრდამ შეამცირა უმუშევრობის დონე ისტორიულ მინიმუმამდე, მიუხედავად იმისა, რომ იგი სტრუქტურულად კვლავ მაღალი რჩება. ინფლაცია ამ ეტაპზე აღემატება საქართველოს ეროვნული ბანკის 3%-იან მიზნობრივ მაჩვენებლის, თუმცა საბაზო ინფლაცია მიზნობრივისფარგლებშია, რაც ასახავს ფასების სისტემური ზეწოლის არარსებობას.
ფისკალური პოლიტიკა რჩება დისციპლინირებული, რაც წლების განმავლობაში საგარეო ვალის მშპ-ში წილის მნიშვნელოვან შემცირებას უწყობს ხელს. საქართველოს ეროვნული ბანკის საერთაშორისო სავალუტო რეზერვები რეკორდულად მაღალია, ხოლო ფინანსური სექტორი ჯანსაღია, კერძოდ, ბანკების ძლიერი კაპიტალით, მოგებით, ლიკვიდურობითა და აქტივების ხარისხით“, – აცხადებს Business Insider Georgia-სთანექსკლუზიურ ინტერვიუში სსფ-ის მუდმივი წარმომადგენელი ენდრიუ ჯუველი.