აშშ-ის პრეზიდენტის, დონალდ ტრამპის განცხადებით, „მშვიდობის საბჭოში“ კანადის პრემიერ-მინისტრ მარკ კარნისადმი გაგზავნილი გაწევრიანების მიწვევა გააუქმა.
„ძვირფასო პრემიერ-მინისტრო მარკ კარნი, გთხოვთ, ეს წერილი წარმოადგინოთ იმის საჩვენებლად, რომ „მშვიდობის საბჭო“ უკან იწვევს თქვენთვის გამოგზავნილ მოწვევას ყველაზე პრესტიჟულ ლიდერთა საბჭოში კანადის გაწევრიანებასთან დაკავშირებით“, – წერს დონალდ ტრამპი.
ცნობისთვის, დავოსში, მსოფლიო ეკონომიკურ ფორუმზე სიტყვით გამოსვლისას, აშშ-ის პრეზიდენტმა, დონალდ ტრამპმა კანადის პრემიერს მიმართა და აღნიშნა, რომ კანადა მხოლოდ აშშ-ის წყალობით ცხოვრობს. მისი თქმით, კანადა ამისთვის მადლობელი უნდა იყოს. ამასთან, ტრამპის განცხადებას გამოეხმაურა მარკ კარნი და აღნიშნა, რომ კანადა არ ცხოვრობს შეერთებული შტატების წყალობით, კანადის ძალა მოდის მისი ხალხიდან და ინსტიტუტებიდან და არა რომელიმე ცალკეულ პარტნიორზე დამოკიდებულებიდან.