ევროპაში პესიმიზმის ზრდა სტრუქტურული კრიზისის მაჩვენებელია და არა ინდივიდუალური განწყობა. „პოლიტიკოს“ მიერ გამოქვეყნებული კვლევა ცხადყოფს, რომ ევროპელთა უმრავლესობა სკეპტიკურად უყურებს როგორც გლობალურ პროცესებს, ისე საკუთარ სახელმწიფოებსა და მმართველ სისტემებს, – წერს „ხალხის ძალის“ წევრი, თამთა მეგრელიშვილი, სოციალურ ქსელში.
როგორც მეგრელიშვილი აღნიშნავს, განსაკუთრებით საგანგაშოა ის ფაქტი, რომ გამოკითხულთა 76% დემოკრატიის დაღმასვლას ხედავს საკუთარ ქვეყანაში, ეს მონაცემი მიუთითებს არა მხოლოდ ინსტიტუციურ პრობლემებზე, არამედ, ნდობის კრიზისზე.
მისი შეფასებით, აღნიშნული ტენდენცია ადასტურებს, რომ ევროკავშირის ლიდერებმა ვერ შესთავაზეს მოქალაქეებს გრძელვადიანი განვითარების დამაჯერებელი ხედვა, უპასუხისმგებლო პოლიტიკამ, დაბალმა მმართველობითმა ხარისხმა და ანტიეროვნულმა მიდგომებმა კი საზოგადოებაში იმედგაცრუება კიდევ უფრო გააღრმავა.
„ევროპაში პესიმიზმის ზრდა სტრუქტურული კრიზისის მაჩვენებელია და არა ინდივიდუალური განწყობა. „პოლიტიკოს“ მიერ გამოქვეყნებული კვლევა ცხადყოფს, რომ ევროპელთა უმრავლესობა სკეპტიკურად უყურებს როგორც გლობალურ პროცესებს, ისე საკუთარ სახელმწიფოებსა და მმართველ სისტემებს.
როდესაც გამოკითხულთა 63% ამბობს, რომ „საუკეთესო წლები უკან დარჩა“, ხოლო 77% ფიქრობს, რომ შემდეგ თაობას უფრო რთული ცხოვრება ექნება, ეს ნიშნავს, რომ კონტაქტი მოქალაქესა და სახელმწიფოს შორის სერიოზულად არის დაზიანებული. განსაკუთრებით საგანგაშოა ის ფაქტი, რომ 76% დემოკრატიის დაღმასვლას ხედავს საკუთარ ქვეყანაში.
ეს მონაცემი მიუთითებს არა მხოლოდ ინსტიტუციურ პრობლემებზე, არამედ ნდობის კრიზისზე.
კვლევა აჩვენებს, რომ ევროპაში ჩამოყალიბდა მმართველი კლასი, რომლის კომპეტენცია ხშირად ვერ პასუხობს თანამედროვე გამოწვევებს, ხოლო პოლიტიკა სულ უფრო შორდება ეროვნულ ინტერესებს და რეალურ სოციალურ საჭიროებებს.
ევროკავშირის დონეზე მიღებულმა გადაწყვეტილებებმა ეკონომიკურ, ენერგეტიკულ და საგარეო პოლიტიკაში ვერ უზრუნველყო სტაბილური ზრდა.
შედეგად, ევროპის ეკონომიკა რეგრესის ან ხანგრძლივი სტაგნაციის ფაზაშია, ხოლო მოქალაქეები ხედავენ, რომ ცხოვრების ხარისხი არ უმჯობესდება.
სწორედ ამ ფონზე ჩნდება მოთხოვნა, რომ ქვეყნებმა „უფრო თავდაჯერებულად დაიცვან საკუთარი ეროვნული ინტერესები“, რასაც გამოკითხულთა 71% ემხრობა.
ეს ნიშნავს, რომ ევროკავშირის ლიდერებმა ვერ შექმნეს გრძელვადიანი განვითარების დამაჯერებელი ხედვა.
უპასუხისმგებლო პოლიტიკამ, დაბალმა მმართველობითმა ხარისხმა და ანტიეროვნულმა მიდგომებმა საზოგადოებაში იმედგაცრუება გააღრმავა.“ – წერს მეგრელიშვილი.
