გერმანიის კანცლერი, ფრიდრიხ მერცი, გლობალური ცვლილებების ფონზე, ევროპელებს მეტი დამოუკიდებლობისკენ მოუწოდებს.
„ამჟამად ჩვენ განვიცდით პოლიტიკური გაურკვევლობისა და არასტაბილურობის, ალბათ, ყველაზე დიდ პერიოდს, რაც ნამდვილად ღრმა გარდამტეხი მომენტია. ეს გარდამტეხი მომენტია“, – განაცხადა მერცმა.
მისი თქმით, ამჟამად ვხედავთ მსოფლიოს, „რომელშიც კვლავ ყალიბდებიან ზესახელმწიფოები, რომელთაც სურთ არა წესების დაცვა, არამედ ძალისმიერი პოლიტიკის გატარება, რაც ხშირად ამ წესების აბუჩად აგდებას გულისხმობს“.
„ტრანსატლანტიკური ურთიერთობები შეიცვალა“, – განაცხადა კანცლერმა.
„მაგრამ ნოსტალგია ან ძველი დროის მოგონებები წინსვლაში ვერ დაგვეხმარება“. მერცმა გააფრთხილა: „ჩვენ ახლავე უნდა ავიღოთ სადავეები ხელში, თუ გვსურს ამ გლობალურ ტრანსფორმაციულ ფაზაში მნიშვნელოვანი როლი შევასრულოთ“.