ჰონგკონგელ მედიამაგნატს, მილიარდერ ჯიმი ლაის 20-წლიანი პატიმრობა შეუფარდეს. ამის შესახებ „ბიბისი“ წერს.
ჯიმი ლაის ბრალად ედება უცხოურ ძალებთან შეთქმულება.
როგორც მედია წერს, ლაი ჩინეთის მთავრობის ერთ-ერთი ყველაზე ხმამაღალი კრიტიკოსი იყო და ხშირად პროტესტის იარაღად თავის გაზეთს, Apple Daily-ს იყენებდა.
ჯიმი ლაი ყოველთვის უარყოფდა მის წინააღმდეგ წაყენებულ ბრალდებებს და აცახდებდა, რომ ის ისეთ ღირებულებებს იცავდა, როგორებიცაა კანონის უზენაესობა და სიტყვის თავისუფლება.
ლაისთან ერთად პატიმრობა მიუსაჯეს Apple Daily-ს ექვს ყოფილ დირექტორს. მათ ექვსიდან ათ წლამდე პატიმრობა შეუფარდეს.
Apple Daily 1995 წელს ჯიმი ლაიმ დაარსა. გაზეთი ცნობილი იყო პროდემოკრატიული პოზიციითა და ჩინეთის მთავრობის კრიტიკით.
კომენტარები