“1999 წელს პრეზიდენტმა ბილ კლინტონმა უნგრეთს სთხოვა ახალი ფრონტი გაეხსნა იუგოსლავიის ომში, ჩვენი პასუხი იყო არა”

ვიქტორ ორბანი აცხადებს, რომ უნგრეთი არ აპირებს, კონფლიქტებში ჩაერთოს, რადგან ეს უნგრელ ხალხს დააზარალებს.

ამასთან, უნგრეთის პრემიერის თქმით, 1999 წელს ვაშინგტონმა ბუდაპეშტს იუგოსლავიის ომში ჩაბმა სთხოვა, რაზეც უნგრეთის პასუხი იყო – არა.

„1999 წელს პრეზიდენტმა ბილ კლინტონმა უნგრეთს სთხოვა, ჩართულიყო და ახალი ფრონტი გაეხსნა იუგოსლავიის ომში. ჩვენი პასუხი იყო ცალსახა „არა“. დადებითი პასუხის შემთხვევაში ჩვენი ხალხი კონფლიქტის შედეგებით დაზარალდებოდა. „არა“-ს თქმა შესაძლებელია, თუ ამის გამბედაობა გექნებათ“, – აღნიშნავს ვიქტორ ორბანი.