პატრიარქის კურთხევით, პეტრე-პავლობის დღესასწაული თევზით ხსნილი იქნება. ამის შესახებ კათოლიკოს-პატრიარქმა, ილია მეორემ დღეს საკვირაო ქადაგებისას განაცხადა. პეტრე-პავლობის დღესასწაული წელს მარხვის დღეს ოთხშაბათს ემთხვევა.
“პეტრე-პავლობა ოთხშაბათია და გავახსნილოთ თევზით. მეორე დღეს კი სვეტიცხოვლობაა, 12 მოციქულის დღესასწაულია. ღმერთმა დაგლოცოთ და მრავალს დაგასწროთ” , – მიმართა მრევლს პატრიარქმა.
წელს პეტრე-პავლობის მარხვა 12 ივნისს დაიწყო და 12 ივლისს პეტრე-პავლობის დღესასწაულით სრულდება.
კომენტარები