უნგრეთის პრემიერ-მინისტრმა, პეტერ მადიარმა უნგრეთის პრეზიდენტს გადადგომისკენ მოუწოდა.
პარლამენტში ფიცის დადების შემდეგ სიტყვით გამოსვლისას მადიარმა თქვა, რომ ტომაშ შუიკოვმა თანამდებობა უნდა დატოვოს და მასთან ერთად იმ ლიდერებმაც, რომლებიც ვიქტორ ორბანის მთავრობას ემსახურებოდნენ.
„უნდა ითქვას, რომ ის, რაც ჩვენი მრავალი თანამოქალაქის წინააღმდეგ მოხდა, მიუღებელია. ამიტომ, ნება მომეცით, როგორც უნგრეთის პრემიერ-მინისტრმა, ბოდიში მოგიხადოთ. მოვუწოდებ იმ ინსტიტუტების ლიდერებს, რომლებიც წინა სისტემის პოლიტიკური მსახურები იყვნენ, გამოიჩინონ გამბედაობა და 31 მაისამდე თანამდებობებიდან საკუთარი ნებით გადადგნენ და ეს ტომაშ შუიოკმა დაიწყოს“, – განაცხადა მადიარმა.
პეტერ მადიარმა უნგრეთის პრემიერ-მინისტრის თანამდებობა დღეს ოფიციალურად მას შემდეგ დაიკავა, რაც ქვეყნის პარლამენტმა მას მხარი 140 ხმით დაუჭირა, 54 წინააღმდეგი იყო.