ნეთანიაჰუ მსოფლიოს მუსლიმებისგან მალე მიიღებს იმ გაკვეთილს, რასაც იმსახურებს, – ამის შესახებ თურქეთის პრეზიდენტმა, რეჯეფ თაიფ ერდოღანმა მუსლიმური დღესასწაულს, ყურბან-ბაირამის აღნიშვნის დროს შეკრებლებს განუცხადა.
მისივე თქმით, ღაზაში არსებულმა ვითარებამ ჩრდილი მიაყენა თურქეთისა და მთელი მსოფლიოს მუსლიმების დღესასწაულს.
ამასთან, ერდოღანმა ისრაელის პრემიერ-მინისტრს, ბენიამინ ნეთანაჰუს ტირანი უწოდა და იმედი გამოთქვა, რომ ის მსოფლიოს მუსლიმებისგან საკადრის პასუხს მალე მიიღებს.
„რა თქმა უნდა, ჩვენ განვიცდით პალესტინაში, ჩვენ განვიცდით ღაზაში არსებულ ვითარებას. ღმერთმა ინებოს და მე მჯერა, რომ ტირანი სახელად ნეთანიაჰუ მსოფლიოს მუსლიმებისგან მალე მიიღებს იმ გაკვეთილს, რასაც იმსახურებს“, – განაცხადა მან.
კომენტარები