სსიპ – დავით აღმაშენებლის სახელობის საქართველოს ეროვნული თავდაცვის აკადემიაში წარმატებით ჩატარდა ნატოს სტანდარტების შესაბამისად შექმნილი და “შერჩეული” სტატუსის მქონე კურსი -„კონტრტერორიზმი და ამბოხებულთა წინააღმდეგ ბრძოლა“.
კურსი მიმდინარეობდა ინგლისურ ენაზე და მოიცავდა თეორიული და პრაქტიკული კომპონენტების ერთობლიობას, რომელიც თანამედროვე ასიმეტრიული საფრთხეების წინააღმდეგ ეფექტიანი მოქმედებისთვის იყო გათვალისწინებული.
კურსში მონაწილეობა მიიღო 35 კანდიდატმა, რომლებიც წარმოადგენდნენ საქართველოს თავდაცვის სამინისტროსა და საქართველოს თავდაცვის ძალების სხვადასხვა სტრუქტურულ ერთეულს, ასევე ნატოს წევრ და პარტნიორ სახელმწიფოებს. კურსი ყველა მონაწილემ წარმატებით დაასრულა.
კურსის დასრულების შემდეგ მონაწილეებს შესაბამისი სერტიფიკატები გადაეცათ.
აღნიშნული ღონისძიება წარმოადგენს მნიშვნელოვან ნაბიჯს ეროვნული თავდაცვის აკადემიის ინსტიტუციური განვითარების გზაზე და ქმნის მყარ საფუძველს ნატოს ინსტიტუციური აკრედიტაციის მოსაპოვებლად.
კურსის ჩატარება კიდევ ერთხელ ადასტურებს აკადემიის ნატოს მოთხოვნებთან თავსებადი განათლების, პროფესიული მომზადებისა და ნატოს სტანდარტებზე დაფუძნებული სასწავლო პროცესის უზრუნველყოფისთვის განვითარების მზაობას.
