ეს ბრალდებები კიდევ ერთხელ აჩვენებს იმას, თუ რაოდენ დიდი უნდობლობაა მათ შორის, – განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა რადიკალურ ოპოზიციაში არსებული დაპირისპირების შეფასებისას.
მისივე თქმით, ეს ბრალდებები და ეს ფონი კიდევ ერთხელ აჩვენებს, რომ მათი გაყრაც და შეყრაც ყოველთვის გარედან მოსული ინსტრუქციის შედეგი იყო და არ შინაგანი დამოკიდებულება ერთმანეთის მიმართ.
„ისიც, დღეს რომ აღირებენ პარლამენტის მანდატებზე უარის თქმა, ეს იყო ძალიან დიდი შეცდომა, ნაწილი მაინც აღიარებს, ეს კიდევ ერთხელ მიუთითებს, რომ ეს ელემენტარული ჭეშმარიტება არავისთვის არ უნდა ყოფილიყო რაღაც დაფარული ცოდნა, მაგრამ მაშინ იყო გარედან მოსული ასეთი დირექტივა, რომ გამოდიხართ გარეთ – „დემოკრატიული უკუსვლა, რევოლუცია, გადატრიალება“, – განაცხადა ქადაგიშვილმა.
ოპოზიციაში დაპირისპირება ახალ ფაზაში გადადის. პარტია „ახლის“ ლიდერს, ნიკა გვარამიას „ნაციონალური მოძრაობის“ წევრი ანა წითლიძე დაუპირისპირდა.