სოსო მანჯავიძე, სოციალურ ქსელში კოალიცია “გირჩი”-ს შესახებ პოსტს აქვეყნებს:
“ბევრი ვიფიქრე და მივხვდი,რომ ჯაფარიძე და “გირჩის” მთელი შემადგენლობა სალოსები არიან.
ისინი მოსალოდნელი საფრთხის ასაცილებლად იქცევიან როგორც სულელები.
არადა, ფარულად გულდამწვარი მამულიშვილები არიან, ღამ-ღამობით ცხარედ ქვითინებენ სამშობლოს უბედობის გამო.
მათზე უფრო უკეთესად ვინ უნდა გითხრას რა უნდა მტერს??
საქართველო უნდა იქცეს გემბლინგის, პროსტიტუციის, ლეგალიზებული ნარკოტიკების,ურელიგიო,უტრადიციო, არალეგალი მიგრანტებისთვის ღია ქვეყანა,სადაც მიწები მათ თავისუფლად უნდა იყიდონ გაღატაკებული ქართველებისგან, ხოლო ეს რომ მოხდეს, სახელმწიფო ამ პროცესებში არ უნდა ჩაერიოს, პირიქით,ხელი უნდა შეუწყოს მათ.
ამავე დროს, ქართველები არ უნდა გამრავლდნენ, რათა დედამიწას დემოგრაფიული პრობლემები არ შეუქმნან.
აბა,რა! ჩინელებს და ირანელებს სასიცოცხლო სივრცე სჭირდებათ.
როცა ამის შედეგად ქართველები საქართველოში უმცირესობაში აღმოჩნდებიან და ახალი უმრავლესობა მათ იგივეს დამართებს, რაც აფხაზეთში,ცხინვალში,მანამდე სამცხე- ჯავახეთში და ქვემო ქართლში უქნა-რა პრობლემაა? ეს ხომ თავისუფალი ბაზრისა და ევოლუციის შედეგია.
თანაც ამას ღიად ამბობენ და ამისათვის შემკვეთებსაც ფულს ართმევენ.
მართლაც დიდი მოხერხება უნდა ამ ყველაფერს.
მეორე რამესაც მივხვდი დიდი ტანჯვის მერე.
ჩვენი სახელოვანი მედია საქმის კურსშია.
ისინიც ერისა და მამულის სამსახურისათვის სულელობენ განზრახ.
სწორედ ამიტომ იწვევენ ეთერებში ლიბერალური სახეობის ხვიჩიასებრთა ოჯახის წარმომადგენლებს.
გვაფრთხილებენ,თანაც მტერს ატყუებენ.
აბა,მართლა გეგონათ,რომ ამ ერთ ბეწო ქვეყანაში ამდენი თახსირი,სამშობლოს მოღალატე და საკუთარი ხალხისა და თავისი შთამომავლის გადაშენება-ამოწყვეტის მოსურნეა?
არ დაიჯეროთ,ეს შეუძლებელია.” -წერს მანჯავიძე.