ისლანდიის პოლიცია და სამაშველო სამსახურები ახალგაზრდას ეძებენ, რომელიც გულფოსის ჩანქჩერში ჩავარდა.
ადგილობრივი მედიის ცნობით, ის 22 წლის ნიკა ბეგაძეა, რომელიც ქალაქ რეიკიანესბერში ცხოვრობდა. მისი იდენტიფიცერება ჩანჩქერთან აღმოჩენილი ავტომობილით მოხდა. სააგენტო Rav-ის ცნობით, ბეგაძე თავშესაფრის მაძიებელი იყო.
ადგილობრივი პოლიციის ცნობით, ინციდენტი 19 ივლისს მოხდა. ამასთან, სამართალდამცველებმა ნიკა ბეგაძის ფოტო გაავრცელეს, რომელიც შემთხვევამდე ცოტა ხნით ადრე სათვალთვალო კამერებმა დააფიქსირეს.
პოლიცია მომხდარს უბედურ შემთხვევად განიხილავს და ასევე თვითმხილველებს სთხოვს, რომ დამატებითი ინფორმაციის მოპოვების შემთხვევაში პოლიციას დაუკავშირდნენ. სამაშველო ოპერაციას ჩანჩქერის რთული რელიეფური მდებარეობა აფერხებს.
„შეიძლება თვეები და წლები დასჭირდეს, რომ ჩანჩქერში ჩავარდნილი ადამიანის კვალი მოიძებნოს“, – აცხადებს ისლანდიის პოლიცია.