პრობლემა არ არის იმაში, რომ ცუდი ტელეფონი აქვთ, აპლიკაცია არ უვარგათ და სხვა ასეთი ტექნოლოგიური გადაწყვეტები. პრობლემა არის ფილოსოფიაში, – განაცხადა პარლამენტის თავმჯდომარე შალვა პაპუაშვილმა რადიკალურ ოპოზიციაზე საუბრისას.
მისი თქმით, როდესაც ძალა ემსახურება სხვას და არა საკუთარ ხალხს, იქ ქარაფერი გამოვა.
„აგენტურულ ჯგუფებს ახალ მობილურს უყიდიან თუ აპლიკაციას დაუმონტაჟებენ, მათი არსი არ იცვლება. აგენტურა არის აგენტურა. პრობლემა არ არის იმაში, რომ ცუდი ტელეფონი აქვთ, აპლიკაცია არ უვარგათ და სხვა ასეთი ტექნოლოგიური გადაწყვეტები. პრობლემა არის ფილოსოფიაში. როდესაც ემსახურები სხვას და არა საკუთარ ხალხს, იქ არაფერი გამოვა ამ საქმიდან და ეს არის მთავარი, რისი ლუსტრაციაც მოხდა ბოლო პერიოდში და რაც დაინახა ჩვენმა საზოგადოებამ. გქონდეს ბევრი აპლიკაცია, მაგრამ არაფერი შეიცვლება მათ არსში”, – განაცხადა პაპუაშვილმა.
მან ასევე ისაუბრა ოპოზიციაში არსებულ შიდა დაპირისპირებებზე.
„აგენტურის ბრძოლის მთავარი მოტივაციაა თავის მოწონება მისთვის დავალებების მიმცემისთვის. ესაა კონფლიქტის საფუძველიც, რაც არსებობს აგენტურულ ჯგუფებში. ასე რომ ამას უნდა დავაკვირდეთ კიდევე ერთხელ – ერთმანეთის მხილებას, დაჭმას. ჩვენთვის ეს მხოლოდ სასიამოვნო საყურებელია იმიტომ, რომ ყოველთვის, ჩვენს ისტორიაში, როდესაც უცხო ქვეყნების ინტერესების გამტარებელი მხილების პროცესი იყო მნიშვნელოვანი საწინდარი ჩვენი ქვეყნისა. ამიტომ ჩვენ სწორედ ამას ვაკვირდებით ამ აგენტურულ ოპოზიციაში”, – აღნიშნა პაპუაშვილმა.