დღეიდან ერთიანი ეროვნული გამოცდები დაიწყო. ამ წუთებში აბიტურიენტები რეგისტრაციას გადიან. ზუსტად 09:00 საათზე კი გამოცდა იწყება. განათლების მინისტრი გივი მიქანაძე ერთიანი ეროვნული გამოცდების პირველ დღეს თბილისის 160-ე საჯარო სკოლას ეწვია. მინისტრმა სკოლაში გახსნილი საგამოცდო ცენტრი დაათვალიერა და აბიტურიენტებს წარმატებები უსურვა.
საქართველოს მასშტაბით სრულად მზადაა 24 საგამოცდო ცენტრი, რომელთაგან ყველა აღჭურვილია გაგრილების სისტემით. დანიშნულია დამატებითი ტრანსპორტი მეტროსადგურებიდან საგამოცდო ცენტრებამდე. 2026 წლის გამოცდებისათვის სულ 83 000-ზე მეტი აპლიკანტი დარეგისტრირდა. მათ შორის, ერთიანი ეროვნული გამოცდებისათვის – 43 000-ზე მეტი აბიტურიენტი. 2026 წლის გამოცდები, ტრადიციულად, ორ სესიად ჩატარდება. ერთიანი ეროვნული გამოცდები 22 ივლისს ფიზიკის გამოცდით დასრულდება.