დავით ქაცარავა: ჩვენ განვაგრძობთ აქ ყოფნას, ოდნავ შეცვლილი ფორმატით

„ჩვენ განვაგრძობთ აქ ყოფნას, ოდნავ შეცვლილი ფორმატით. სამინისტროსთან ვათანხმებთ და ოდნავ მოგვიანებით, საღამოსკენ, გავავრცელებთ ინფორმაციას“,-ამის შესახებ მოძრაობის, „ძალა ერთობაშია“ წევრმა, დავით ქაცარავამ შინაგან საქმეთა სამინისტროს წარმომადგენლებთან შეხვედრის შემდეგ განაცხადა.
როგორც მან აღნიშნა, მოძრაობის წევრები საოკუპაციო ზოლთან ისევ რჩებიან და აქციის ფორმატის შეცვლის შესახებ ინფორმაციას საღამოს გაავრცელებენ.
„ჩვენ განვაგრძობთ აქ ყოფნას, ოდნავ შეცვლილი ფორმატით. სამინისტროსთან ვათანხმებთ და ოდნავ მოგვიანებით, საღამოსკენ, გავავრცელებთ ინფორმაციას. არასწორი ინტერპრეტაცია გაკეთდა ჩვენი აქციის. დაზუსტება მოხდა ჩვენი მოქმედების, ადგილმდებარეობის და ფორმატის“, – განაცხადა დავით ქაცარავამ.
შეგახსენებთ, რომ შს სამინისტროს წარმომადგენლები საზოგადოებრივი მოძრაობის – „ძალა ერთობაშია“ ინიციატორებსა და ორგანიზატორებს შეხვდნენ და ის რისკები და გამოწვევები განუმარტეს, რომლებიც მათ ინიციატივას უკავშირდება.