32 წლის რუსლან ჩუტკერაშვილი 9 წელია, უბედური შემთხვევის გამო ეტლს არის მიჯაჭვული.
2007 წლის 11 ოქტომბერს, თბილისში, ოჯახის დასახმარებლად წასული, ყიფშიძის ქუჩაზე მშენებარე კორპუსის მეხუთე სართულიდან გადმოვარდა და ხერხემალი დაუზიანდა.
მიუხედავად იმისა, რომ სამშენებლო წესების დარღვევის გამო დაზარალებულად ცნეს 240-ე მუხლით, იმ დროს, არც დამქირავებელ კომპანიას და არც სახელმწიფოს 23 წლის ბიჭის საშველად თავი არ შეუწუხებია. უგულოდ გაკეთებულმა ოპერაციებმა კი ( ალბათ ფიქრობდნენ, რომ ვერ გადარჩებოდა) მდგომარეობა დაამძიმა.
2 დღის წინ, რუსლან ჩუტკერაშვილი ,,ფოსტალიონს” სოციალური ქსელის საშუალებით დაუკავშირდა და გვთხოვა, საზოგადოებისთვის მიგვეწვდინა მისი ხმა. მისი თქმით, მიღებულმა ტრავმამ კუნთების დაჭიმულობა გამოიწვია, რაც გაუსაძლის ტკივილს იწვევს.
აქ აუცილებლად უნდა აღვნიშნოთ, რომ ჩვენი რესპოდენტი ძვირადღირებული ოპერაციის, ან საზღვარგარეთ მკურნალობის დაფინანსებას კი არ ითხოვს,( ჯანდაცვის სამინისტროს დაფინანსებით, ცოტა ხნის წინ, ოპერაცია უკვე ჩაუტარდა), არამედ ოპერაციის შემდგომი რეაბილიტაციისთვის საჭირო სახსრებს, რაც დაახლოებით 2-3 ათასი დოლარია და რისი საშუალებაც თავად არ გააჩნია. დრო კი არ ითმენს, ავადმყოფს უკვე ნაწოლები გაუჩნდა და ცოტა ხნის წინ გაკეთებული ოპერაციით მიღებული შედეგი შესაძლოა, წყალში გადაყრილი აღმოჩნდეს.
„ფეხები ტონუსში მაქვს, დაბუჟებული. ტკივილგამაყუჩებელი არ შეიძლება, რადგან კუნთები არ უნდა მოდუნდეს. ღეოროვანმა უჯრედებმა უნდა იმუშაოს. სწორედ ამის გამო გავიკეთე ოპერაცია და გადავინერგე ღეროვანი უჯრედები, რომელიც სასწრაფოდ შემდგომ რეაბილიტაციას საჭიროებს, რათა შევძლო ცოტა მაინც ავმოძრავდე! მჭირდება მასაჟები, ოპერაციის შემდგომი კომპიუტერული ტომოგრაფია. მკურნალობას ვეღარ ვაგრძელებ, რომელიც უნდა ჩატარდეს ავერსის აღდგენითი რეაბილიტაციის ცენტრში, სადაც ყოველდღე მელოდებიან ჩემი მკურნალი ექიმები, მაგრამ, უსახსრობის გამო თბილისში ვერ ჩამოვდივარ და გამიჩნდა ნაწოლები.. ნაწოლებით გამოწვეული ტკივილებს ვუძლებ, მაგრამ ეს გამძლეობა და ამდენი წვალება, ყველაფერი წყალში მეყრება, თუ კლინიკამდე ვერ მივედი.
ადგილობრივი გამგეობა ვერ მეხმარება, რადგან მკურნალობის კურსი არ ფინანსდება. ამიტომ უმორჩილესად გთხოვთ დახმარებას, ვისაც რა შეუძლია, ჩემთვის ყველა კაპიკს სასიცოცხლო მნიშვნელობა გააჩნია. ძალიან ვწუხვარ, ძალიან მერიდება საზოგადოების, მაგრამ გავბედე და გადავდგი ნაბიჯი მომემართა თხოვნით. მინდა რომ ვიცოცხლო, რეაბილიტაციის კურსის გავლის შემდეგ, ნელნელა ფეხზე დადგომას აუცილებლად შევძლებ”-ამბობს რუსლან ჩუტკერაშვილი.
დახმარების მსურველებს თანხის ჩარიცხვა შეუძლიათ შემდეგ ანგარიშზე: GE43LB0711156006781000 .
მიმღები რუსლანი ჩუტკერაშვილი. პირადი ნომერი 47001012929
ლიბერთი ბანკისკის SWIFTკოდიLBRTGE22
ტელეფონი: 557 10 84 39