თბილისის საკრებულოს წევრი, გურამ ნიკოლაშვილი ჟურნალისტ მერაბ მეტრეველს სოციალურ ქსელში მიმართავს.
საქმე ეხება მერაბ მეტრეველის ფეისბუქ სტატუსს, სადაც ტელეკომპანია „იმედის“ მიერ გავრცელებულ ქარდს გამოეხმაურა, რომელშიც აღნიშნული იყო, რომ „უკრაინელებმა 5 აგვისტოს ღამეს ვერცერთი რუსული ბალისტიკური რაკეტა ვერ ჩამოაგდეს“, რაზეც ჟურნალისტმა ტელეკომპანია გააკრიტიკა.
აღსანიშნავია, რომ ზუსტად იგივე შინაარსის ინფორმაცია საინფორმაციო სააგენტო InterPressNews-მა, რომლის თანამშრომელიც თავად მერაბ მეტრეველია, ტელეკომპანია „იმედზე“ ადრე გამოაქვეყნა.
სწორედ აღნიშნულზე მიუთითა გურამ ნიკოლაშვილმა მერაბ მეტრეველს, რომ ნუთუ საკუთარ ვებგვერდს არ ნახულობს.
„მერაბ, საკუთარ ვებგვერდს არ ნახულობ?
რამე სხვანაირად გიწერიათ?
ის ნიუსი გამახსენდა, კადიროვი და 100 ტონა ფქვილი“, – წერს ნიკოლაშვილი
