European Innovation Academy -არის ერთ-ერთი უდიდესი საერთაშორისო საზაფხულო პროგრამა სტუდენტებისთვის, რომელიც იტალიაში, ტურინში იმართება. წელს მასში 79 ქვეყნიდან 600-ზე მეტი სტარტაპერი იღებს მონაწილეობას.
21 დღის განმავლობაში 105 ბიზნესიდეის დამუშავება მოხდება. ამ დროის განმავლობაში, მონაწილეებს მუდმივად აქვთ ურთიერთობა სხვადასხვა კომპანიის CEO, COO, CFO, CMO, CXO, CIO-სთან. პროექტი იძლევა საშუალებას მიიღო უნიკალური ცოდნა და მოიპოვო დაფინანსება ინვესტორებისგან. ამ საერთაშორისო პროექტში საქართველოს უნივერსიტეტის დახმარებით, მოხვდა ქართველი სტუდენტი- ნინო ბეგიაშვილი, მაღალი ქულებისა და აქტიური სტუდენტური ცხოვრების გამო.
21 დღის განმავლობაში ქართველ სტუდენტს მუშაობა მოუწევს ინოვაციურ პროექტზე. ახალგაზრდები მუშაობენ აპლიკაციაზე Cerebellum, რომელიც ეხმარება სტუდენტებს, რომ სწავლის პროცესი გახდეს ნაკლებად სტრესული და სტუდენტებს აძლევს შანსს, ჰქონდეთ კავშირი პროფესიონალ ფსიქოლოგებთან და მიიღონ მათგან მორალური დახმარება, რჩევები, მეტად მოტივირებულებმა გააგრძელონ სწავლა.