ყველაფერს აკეთებდნენ იმისთვის, რომ ამ ადამიანებს არ ეღიარებინათ თავიანთი ნამოქმედარი და რატომ? იმიტომ, რომ არ აინტერესებთ რეალურად ამ ადამიანების ბედი, – განაცხადა იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ „ნაციონალური მოძრაობის“ მისამართით.
„წარსულში ხომ გვახსოვს „კოლექტიური ნაცმოძრაობა“ როგორ ამუნათებდა ადამიანებს, რომლებსაც ბრალი ჰქონდათ წაყენებული სხვადასხვა დანაშაულებრივი ქმედების ჩადენის გამო?! ყველაფერს აკეთებდნენ იმისთვის, რომ ამ ადამიანებს არ ეღიარებინათ თავიანთი ნამოქმედარი და რატომ? იმიტომ, რომ არ აინტერესებთ რეალურად ამ ადამიანების ბედი. ზოგი წააქეზეს, ზოგი მოატყუეს, მათ შორის, მიატოვეს. საერთოდ დაივიწყეს ამ ადამიანების არსებობაც კი, გარდა იმ შემთხვევისა, როდესაც თავიანთი პოლიტიკური ქულების დასაწერად, თავიანთი პატრონების დავალების შესასრულებლად სჭირდებოდათ ხოლმე“, – აღნიშნა გორდულაძემ.
საქართველოს პრეზიდენტის მიერ შეწყალებულებმა, მათ შორის აქციებზე დაკავებულმა რამდენიმე პირმა, საპატიმროები გუშინ დატოვა.