პარტია „ხალხის ძალის“ საერთაშორისო ურთიერთობათა მდივანმა, დეპუტატმა ეკა სეფაშვილმა მედიასთან ისაუბრა 4 ოქტომბრის აქციის ორგანიზატორების მიერ დანაშაულის აღიარებაზე და საპროცესო გარიგების მოთხოვნაზე.
მისი თქმით, კარგია, რომ მურთაზ ზოდელავამ და ლაშა ბერიძემ რამდენიმე წლით ციხეში ყოფნას არჩიეს, სახელმწიფოს ჰუმანური მიდგომა გამოეყენებინათ და საპროცესო გარიგებაზე წავიდნენ.
„მურთაზ ზოდელავამ და ლაშა ბერიძემ რამდენიმე წლით ციხეში ყოფნას სახელმწიფოს ჰუმანური მიდგომის გამოყენება არჩიეს და საპროცესო შეთანხმების მოთხოვნით მიმართეს პროკურატურას, რაც, რა თქმა უნდა, მისასალმებელი ნაბიჯია. ვურჩევ, არ დაუჯერონ უცხოელ პატრონებსა და ქვეყნის შიგნით არსებულ აგენტურას, რომლებიც მათ ციხეში დარჩენისკენ მოუწოდებენ, იმისათვის, რომ მათი პატიმრობა საკუთარი მიზნებისთვის გამოიყენონ,“ – განაცხადა ეკა სეფაშვილმა.