უკრაინის თავდაცვის ძალების ქვედანაყოფების ანგარიშების თანახმად, ამერიკული თანამგზავრული კავშირის სისტემის, „სტარლინკის“ სამხედრო ვერსიის, „სტარშილდის“ მუშაობა აღდგა და კვლავ უმჯობესდება.
ამის შესახებ ინფორმაციას „უკრაინსკა პრავდა“ უკრაინის თავდაცვის სამინისტროში საკუთარ წყაროებზე დაყრდნობით ავრცელებს.
„ამ დროისთვის „სტარშილდის“ მუშაობა მოძრაობის დროს აღდგენილია და კვლავ უმჯობესდება. ამის შესახებ ინფორმაციას ქვედანაყოფების ანგარიშებიდან ვიღებთ. თავდაცვის სამინისტრო ასევე აგრძელებს მუშაობას, რათა გაარკვიოს გუშინდელი შეზღუდვების ყველა მიზეზი და გარემოება“, – აცხადებენ წყაროები.
ამავდროულად, მედიის ცნობით, უკრაინის თავდაცვის სამინისტრო ფრონტის ხაზზე მყოფ ქვედანაყოფებს „სტარშილდის“ მუშაობის სიჩქარის შესახებ ინფორმაციას მიწოდებას სთხოვს.
კომენტარები