35 წლის განმავლობაში საქართველო, თითქმის ყველაფერზე თავს უქნევდა ევროპასა და დასავლეთს, რასაც ისინი გვეტყოდნენ ჩვენ, შედიოდა ეს თბილისის ინტერესებში თუ არა, – განაცხადა „დღის ქრონიკაში“ პოლიტეკონომისტმა რევაზ კარანაძემ.
მისივე თქმით, გარკვეული პერიოდის შემდეგ, საქართველო აღარ ასრულებდა ევრობიუროკრატების მოთხოვნებს, რის გამოც მათ საქართველოს დასჯა გადაწყვიტეს.
„ახლა ჩვენ ძალაინ მნიშვნელოვანი ნაწილი ვართ ევრაზიის კონტინენტზე და ერთ-ერთი სასიცოცხლო გზა ვართ ევროპისთვის. ცდილობენ, უბრალოდ, იგნორირება გაგვიკეთონ, მაგრამ ხშირ შემთხვევაში ევროკავშირი თავიდან ბოლომდე მოქცეულია აშშ-ის, ვაშინგტონის გეოპოლიტიკურ ტყვეობაში“, – განაცხადა კარანაძემ.
მისივე თქმით, ევროკავშირი დღეს საქართველოს დასჯის პოლიტიკას მიჰყვება და ისინი არ აღიარებენ, რომ არასწორად იქცევიან, თუნდაც თავიანთი მოქალაქეების წინააღმდეგ.
„ჩვენ ვნახეთ, რომ მათმა ირაციონალურმა პოლიტიკამ საფრანგეთში გამოიწვია ის, რომ დაიწყეს ქამრების მოჭერის პოლიტიკა, სადაც შეზღუდეს სოციალური დანახარჯები. ამან განათლების პოლიტიკაში სერიოზული ხარვეზები გამოიწვია და ხალხი ქუჩაში გამოვიდა. ხალხი აპროტესტებს ამ პოლიტიკას. სამწუცაროდ, პოლიტიკური ელიტები ამას ვერ ითვალისწინებენ“, – განაცხადა რევაზ კარანაძემ.