კერძო სკოლა „ჰელიოსი“ პირველი კლასის მოსწავლეს, არიანა რისტიჩსა და მის დედას ემშვიდობება. სკოლა გავრცელებულ სამძიმრის წერილში მომხდარი ტრაგედიის გამო მწუხარებას გამოთქვამს და დაღუპულთა ოჯახებსა და ახლობლებს უსამძიმრებს.
„ღრმა მწუხარებითა და გულისტკივილით ვემშვიდობებით ჩვენი სკოლის პირველი კლასის მოსწავლეს, პატარა არიანა რისტიჩსა და მის დედას…
ტრაგედიამ წაგვართვა პატარა სიცოცხლე, ბავშვობა, მომავალი და დედა-შვილის განუყოფელი სიყვარული. სიტყვები უძლურია იმ ტკივილის გამოსახატავად, რომელსაც ამ უმძიმეს წუთებში ვგრძნობთ.
არიანა, შენ ჩვენი სკოლის პატარა წევრი იყავი და მუდამ დარჩები ჩვენს გულებში. ძნელია შეეგუო იმას, რომ შენი ბავშვური ღიმილი ვეღარ გაანათებს საკლასო ოთახს…
ჰელიოსის სახელით, გულწრფელ სამძიმარს ვუცხადებთ ოჯახს, ახლობლებსა და ყველას, ვისთვისაც არიანა და მისი დედა ძვირფასი იყვნენ.
ნათელში იყოს მათი სულები.
უფალმა სასუფეველი დაუმკვიდროს მათ, ხოლო ახლობლებს მისცეს ძალა ამ ენით აუწერელი ტკივილის გასაძლებად.
ასევე, გულწრფელ სამძიმარს ვუცხადებთ ყველა დაღუპულის ოჯახს, ახლობლებსა და სრულიად საქართველოს ამ უდიდესი ტრაგედიის გამო. ვიზიარებთ თითოეული ოჯახის აუტანელ ტკივილს“, – წერია გავრცელებულ ინფორმაციაში.
