კონტრდაზვერვის დეპარტამენტის ყოფილი უფროსის, დათა ახალაიას ადვოკატი ირაკლი ზაქარეიშვილი აცხადებს, რომ დათა ახალაიას წინააღმდეგ მიცემული ჩვენებები ყალბია.
ამის შესახებ ზაქარეიშვილმა “იბერიას” თოქშოუში “ცენზურის გარეშე” განაცხადა.
“დათა ახალაია არაფერ შუაში არ არის გირგვლიანის მოკვდინებასთან. თავად დათა ახალაიას მიერ ჩატარებული ოპერატიული მოკვლევით გაიხსნა საქმე. სანამ პროკურატურაში გადაიგზავნებოდა, ქალაქის სამმართველო იძიებდა. სრულად გაყალბდა საქმის მასალები”, – განაცხადა ზაქარეიშვილმა.
მისი თქმით, მის სიცოცხლეს საფრთხე ემუქრება, რადგან საქმის ახალი დეტალების შესახებ იცის. მისი თქმით, საქმეში ასევე ფიგურირებს გიგი უგულავას ყოფილი მეუღელის, ლელა კილაძის სახელი, რომელიც მაშინ პრეზიდენტის აპარატში მუშაობდა.
კომენტარები