სოფო ნიჟარაძე რუსა მორჩილაძეზე ნაწყენია?

მომღერალი სოფო ნიჟარაძე თბილისობასთან დაკავშირებით დაგეგმილ გალაკონცერტზე არ მიიწვიეს.
სოფო ნიჟარაძე პასუხობს ჭორებს, რომლებიც ინტერნეტსივრცეში გავრცელდა. როგორც წერენ, ის ნაწყენია იმის გამო, რომ თბილისობის გალაკონცერტზე, რომელსაც მისი მეგობრები აკეთებენ, არ მიიწვიეს.
სოფო ამ ამბავს „რუსთავი 2“-ის ეთერით გამოეხმაურა და მარინა ბერიძის კითხვაზე, რას მღერის წლევანდელ თბილისობაზე, რომლის თემაც მიუზიკლებია, ღიმილით პასუხობს:
რა თქმა უნდა, არაფერს ვმღერი. ეს უკვე პირველი წელი არ არის, როცა მე არ მთავაზობენ მონაწილეობას. წელს განსაკუთრებით გამიკვირდა, რა თქმა უნდა – წინაზე თუ მეგონა, რომ მე მათ გემოვნებაში არ შევდიოდი, ახლა მთლად ჩემი მეგობრები არიან ამ ყველაფერში ჩართული. რუსა მორჩილაძეა კულტურის სამსახურის უფროსი, ამიტომ მისგან გამიკვირდა… არ მოვწონვარ, აქ უკვე აღარ განიხილება, მის უამრავ სიმღერას ვმღერი. შეიძლება, უბრალოდ, დავალებაა, რომ არ ვიყო, არ ვიცი…
როგორც ჩანს, დაბლოკვის თემა გრძელდება… იყო ცუდი, მაგრამ ახლაც ცუდი ტენდენცია გრძელდება…“, აღნიშნავს მომღერალი.