საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა ადგილობრივი თვითმმართველობის არჩევნების ეგზიტპოლების პირველადი შედეგების გამოქვეყნების შემდეგ კომენტარი გააკეთა.
„გამარჯვებაში წინასწარ დარწმუნებული ვიყავით და ეგზიტპოლის შედეგებიც აჩვენებს, რომ „ქართული ოცნება“ დამაჯერებელ გამარჯვებას მოიპოვებს არა მხოლოდ თბილისში, არამედ მთელ საქართველოში. მთავარი, ალბათ, მაინც არის ის, რომ 2012 წლის მერე, ქართველმა ხალხმა უკვე მეხუთედ მოგვცა მანდატი „ქართულ ოცნებას“. ეს ნიშნავს ძალიან მაღალ ნდობას, ძალიან მაღალ პასუხისმგებლობას და გაძლევთ პირობას, რომ ამ ნდობას ჩვენ გავამართლებთ; გაამართლებს კახი კალაძე და გაამართლებს „ქართული ოცნება“ მთლიანად“, – განაცხადა სოზარ სუბარმა.
კომენტარები