კახა კალაძე: ოპოზიციური პარტიები ახდენდნენ ბიძინა ივანიშვილის დისკრედიტაციას, თუმცა არ გამოუვიდათ

კონკრეტული ოპოზიციური პარტიები ახდენდნენ ყოფილი პრემიერ-მინისტრის, ბიძინა ივანიშვილის დისკრედიტაციას, თუმცა არ გამოუვიდათ,-აღნიშნული განცხადება თბილისის ახლადარჩეულმა მერმა კახა კალაძემ გადაცემა „360 გრადუსი“ განაცხადა. მისივე თქმით, კონკრეტული ოპოზიციური პარტიის წევრები ცდილობდნენ, რომ ბიძინა ივანიშვილი ქვეყნის მტრად გამოეყვანათ. “თქვენ თუ დააკვიდებით, შეგიძლიათ ამოიღოთ გადაცემების, საინფორმაციოების სტატისტიკა კონკრეტული ტელევიზიიდან და ნახავთ, რომ მიზანმიმართულად მიდის ბიძინა ივანიშვილის დისკრედიტაცია. ეს ადამიანი ძალიან დიდი ინვესტიციებს ახორციელებს თანაინვესტირების ფონდის მეშვეობით, დაახლეობით 800 მილიონამდე ინვესტიციები ხორციელდება სხვადასხვა მიმართულებით, თბილისში იხარჯება დაახლეობით, 460 მილიონი ამ კონკრეტულ პროექტებზე, რასაც ეწინააღმდეგებიან. დაახლებით 15 ათასი ადამიანია დასაქმებული მშენებლობების დროს და შეიქმნება მუდმივი, დაახლეობით 2000-მდე სამუშაო ადგილი. ამ ყველაფერს ეწინააღმდეგებიან, ეწინააღმდგებიან მასშტაბურ პროექტებს, თან ეს ყველაფერი გააკეთეს საარჩევნოდ, უნდოდათ არჩევნების პოლარიზება, რა თქმა უნდა, ეს არ გამოუვიდათ და მოსახლეობამ მიიღო ის გადაწყვეტილება, რა გადაწყვეტილებაც მიიღო. ზუსტად ეს ყველაფერი მიმართული იყო იმისკენ, რომ არჩევნებისთვის რაღაც თემები აეწიათ და ბიძინა ივანიშვილი გამოეყვანათ თბილისის, ქვეყნის მტრად და ა.შ. თუ დააკვირდებით, ასეთი დამოკიდებულება ამ ადამიანის მიმართ ყოველთვის ხდება. ამ ადამიანის მიმართ, რასაც კონკრეტული ოპოზიციური ტელევიზია, ოპოზიციური პარტიები აკეთებენ და ახორციელებენ, პირადად ჩემთვის მიუღებელია. ჩვენ პირიქით, უფრო მეტი ასეთი პროექტი გვჭირდება ქვეყანაში, იმისთვის, რომ შევქმნათ ახალი ადგილები, იმისთვის, რომ ეკონომიკა წინ წავიდეს და გავაჯანსაღოთ და ა.შ. ჩვენ ყველაზე დიდი პრობლემა ახალი სამუშაო ადგილების მხრივ ხომ გვაქვს, მეტი დასაქმებული გვინდა, შესაბამისად, ასეთ პროექტებზე ხელშეწყობა მნიშვნელოვანია,-აღნიშნა კალაძემ.