კახა კალაძე – ჩვენ არავის ვებრძვით, არც დათოს და არც მის კადრებს

ჩემთვის ძალიან მნიშვნელოვანია ირგვლივ მყავდეს პროფესიონალი, კომპეტენტური და პატიოსანი ადამიანები, – ამის შესახებ თბილისის არჩეულმა მერმა კახა კალაძემ განაცხადა.
მისივე თქმით, მერიაშიც არსებობენ ძლიერი კადრები და ყველას მიეცემა შესაძლებლობა, რომ თავისი თავი წარმოაჩინოს.
“ჩვენ არავის ვებრძვით, არც დათოს და არც მის კადრებს ან რომელიმე კონკრეტული თანამდებობის პირს. ჩვენ ვართ აბსოლუტურად ღია, გამჭვირვალედ წარიმართება ეს პროცესები. ჩემთვის ძალიან მნიშვნელოვანია ირგვლივ მყავდეს პროფესიონალი, კომპეტენტური და პატიოსანი ადამიანები. მერიაშიც არსებობენ ძლიერი კადრები და ყველას მიეცემა შესაძლებლობა, რომ თავისი თავი წარმოაჩინოს, მათი ნიჭი და შესაძლებლობები მოვახმაროთ თბილისს”, – განაცხადა კახა კალაძემ.
მისივე თქმით, კადრებზე, რეფორმებსა და სიახლეებზე მალე გახდება ცნობილი.
“საინტერესო ცვლილებები იგეგმება”, – განაცხადა კახა კალაძემ.